- 2 -
ജീവിതത്തിൽ വിഷയീഭവിക്കുന്ന വസ്തുതകളെ നിരീക്ഷിച്ചും,പഠിച്ചും, പരിഹരിച്ചും ജീവിക്കുക
എന്നതാണ് നിർവ്വാണത്തിലേക്കുള്ള മാർഗ്ഗം. ദൈവത്തെസ്വികരിക്കുകയോ, നിരാകരിക്കുകയോ അല്ല ജീവിതത്തിന്‍െറ ധർമ്മം.
ഇതുവരെ വെളിപ്പെട്ടതൊന്നും സത്യമായ് കൊള്ളണമെന്നില്ല. അഥവാ സത്യം വെളിപ്പെട്ടു
കൊള്ളണ മെന്നുമില്ല. നാം തിരഞ്ഞുകൊണ്ടേയിരിയ്ക്കണം.
നാം നമ്മുടെ
പരിമിതമായ അറിവിനേയും, വിശ്വാസത്തെയും സത്യമെന്നു വിളിയ്ക്കുന്നു. അത്
തന്നെയാണ്‌ സകലസംഘർഷങ്ങളുടേയും നിദാനം. മനുഷ്യൻ പൊതുവിൽ
യുക്തിഹീനനാണ്, എൻെറ ഗുരുനാഥൻ പറഞ്ഞു
തന്നൊരു കഥയുണ്ട്:
ഭർത്താവിൻെറ ചീട്ടുകളിഭ്രമം മൂലം പണം നഷ്ടപ്പെടുത്തുന്ന
ഭർത്താവിനോട് കലഹിച്ച ഭാര്യയെ അയാൾ
ആശ്വസിപ്പിച്ചു.
"എടീ
ചീട്ടു കളീന്നു പറഞ്ഞാൽ ഇന്ന്
കിട്ടും നാളെ പ്പൊകും ......അത്രയെഉള്ളൂ"! അപ്പോളവൾ പുഞ്ചിരിച്ചു.പ്രേമപൂർവ്വം, ഭർത്താവിനെ തഴുകികൊണ്ട് പറഞ്ഞു.
"എന്നാ നിങ്ങൾക്ക് ഒന്നരാടം കളിച്ചാൽപ്പോരെ"
? " അതാണ് മനുഷ്യരുടെ യുക്തി ! സ്വതന്ത്രചിന്തകർ ഒന്നോർക്കണം സത്യത്തിൻെറ ശത്രുവാണ് ദൃഢവിശ്വാസം.
ദൃഢവിശ്വാസം അല്പജ്ഞാനികളുടെ മുഖമുദ്രയത്രെ. അല്പജ്ഞാനികൾ ഭോജ്യഭോഗ നിദ്രാസുഖങ്ങള്ളാസ്വദി ച്ച് പട്ടുമെത്തയിലുറങ്ങുമ്പോൾ
ജ്ഞാനി ഉദിക്കാത്ത സൂര്യനെയും തിരഞ്ഞ്
കരാമുള്ളേറ്റ് അലഞ്ഞു നടക്കും.അതിനാൽ
സുഖജീവിതം വിഡ്ഢികൾക്ക് സ്വന്തം.
എല്ലാ സ്വതന്ത്രചിന്തകൾക്കും അഭിവാദ്യങ്ങൾ
എ .എം .ഷിബു.
No comments:
Post a Comment